1-0 mot Hønefoss og opp på andreplass

Andrea kom inn og scora det avgjerande målet mo Hønefoss. (Foto: Sogndal Fotball)

Alltid godt å vinna fotballkampar. Men i dag skulle me heilt klart scora mange fleire mål. Ein voldsom dominans, særleg i første omgang. Så det får me jobba vidar med. Utteljing på sjansane er alltid viktig i fotball. At Andrea kjem inn og avgjer for oss etter eit flott raid, er jo berre supert, seier trenar Robert.

Med sigeren i dag klatrar me opp på andreplass på tabellen. Imponerande etter ein sesong der me har spelt 11 kampar utan å sleppa inn mål!

Robert og spelarane er svært takksame for den støtten laget opplevde på Hønefoss. Safkokaradn og andre sogningar løfta spelarane fram og skal ha sin del av æra for dei tre poenga.

• No ser me verkeleg fram til å avslutta sesongen med heimekamp på Fosshaugane laurdag. Då kjem KFUM Oslo på besøk. Det einaste laget me ikkje har teke poeng mot. Den utfordringa er me klare for, avsluttar trenar Robert.

  Det er berre å kryssa av på kalendaren. Med god støtte frå tribunane kan det bli ei pangavslutning på ein jubelsesong for oss.

Jubel etter 1-0 over Hønefoss. Og me klatrar til andreplass på tabellen

Her er tabellen i sin heilskap før me spelar siste kampen mot KFUM