Møter Fortuna Aalesund
Det knyter seg litt spenning før treningskampen mot Fortuna Aalesund i morgon.
Til møtet med laget frå Jugendbyen er det litt skadeproblem og sjukdom som pregar troppen vår. Så det er eit redusert lag som stiller til kamp. Men det blir i alle fall ei solid utfordring og ein peikepinn på kvar laget står. Godt å koma i gang med treningsskampar og. Treninga til no har gått fint, og det er god kvalitet på øktene i storhallen.
Trenarane håpar likevel at alle kjem på bana og blir klare for spel. I denne viktige treningsperioden er det alltid kjedeleg når spelarar manglar. Men det betyr og at andre får sjansen til å visa seg fram. Me har med oss fire hospitantar, Malin Tjellaug, Stryn, Ella Hestetun, Jotun, Mari Heggestad og Ingeborg Sekse frå Sogndal Fotball.
divisjonslaget Fortuna Aalesund har klare ambisjonar om toppseriespel, og trenarduoen Frode Fagermo og Rune Sunde er begge erfarne ringrevar frå eigen fotballkarriere. Så me må bu oss på solid motstand.
Josefine er godt nøgd med innsatsen under NFF sin talentleir i Østfoldhallen sist helg. Saman med Mia og Nathalie fekk dei tre vist seg fram på ein svært god måte. Flotte representantar for Sogndal FK Damer!
- Veit du, me var betre trent enn mange av dei andre spelarane!, kommenterte Josefine etter ein liten prat før treninga i går.
Eit godt signal til heile laget og den jobben som blir gjort kvar dag! Så me får nok høyra meir frå desse tre og sikkert fleire sogndalsjenter i ulike NFF-opplegg.