Sognekraft og Sognenett med på laget!

Sogndal Fotballklubb Damer er stolte av å presentere Sognekraft og Sognenett som hovudpartnarar for klubben.

Saman med Sognekraft set me krefter i sving knytt til ei berekraftig satsing på damefotballen. Sognekraft er ein viktig samfunnsaktør i vår region og ønskjer å bidra tilbake i lokalsamfunnet. Avtalen gir oss eit godt og trygt fundament for å vidareutvikle klubben og den sportslege satsinga. 

Samarbeidet vårt med Sognenett mogleggjer eit endå større fokus på utviklingsarbeid retta mot jenter, som ønskjer å bli best mogleg i fotball, i aldersgruppa 13-15 år. For denne aldersgruppa vil me legge til rette for meir fart og meir moro på SognenettAkademiet.

Me er allereie i gang med eit treningstilbod for jenter fødde 2008 (2009) og ønskjer i tida framover å vidareutvikle dette tilbodet.    

Me er særs glade for å ha både Sognekraft og Sognenett med på laget og kjem tilbake med meir informasjon om samarbeidet ved eit seinare høve.