I morgon, 3. januar er det på´an igjen

Denne sprudlande gjengen er klar for ein ny sesong. 2024 byr på nye og spennande oppgjer. Men Martin byter plass med Robert.

2024-sesongen startar alt i morgon. Klokka 18.30 er spelarane tilbake på treningsfeltet etter ein velfortent julepause, med innlagt eigentrening. I år blir det truleg 3 avdelingar i 2. divisjon med 10 klubbar i kvar av dei.

Det er berre å gjera seg klar for nye fotballdrama, meir spenning og underhaldning. Martin Natvig er ny trenar, men elles er heile apparatet rundt laget det same gode.

Legg ved ein faksimile frå S/SA og det første damelaget i Sogndal. Det er 40 år sidan. Mange kjende ansikt og trenar Elmer Sjøvoll. Etter han kom Wenche Bakke Torvanger som spelande trenar. Så Torvanger-namnet har gjort seg gjeldande i Sogndal- og Kaupanger-fotballen i ei årrekkje!

Elmer Sjøvoll og damelaget til Sogndal i 1984. Jentefotballen var smått i gang eit par år før.

Wenche B. Torvanger kom flygande inn som trenar i 1986-87. Spelte både for Sogndal og Kaupanger.