Klare for Spania, omsider - og snart er det Kick Off - avspark

Forventningsfulle spelarar klare for avreise Spania og treningsleir. Det vart lang ventetid før flyet letta! Men som vanleg - godt humør!

Her er trenarane, klare for ei god trenings- og kampveke i det spanske.

I dag skal spelarane og trenarane etter planen vera vel framme i Benidorm, Spania. Klare for vel ei veke med trening og kampar. Første motstandar er Klepp på søndag. Men så er det været igjen då, må berre håpa at flyet kjem av garde i løpet av dagen. Me kan jo ikkje ha uflaks igjen, som i fjor! Alle ser fram til desse dagane i Spania med gode treningar, sosialt samvær og styrka lagfølelse. Me håpar det blir vellukka dagar og at utbytet blir godt.

Og snart er det tid for Kick Off, eller avspark på godt norsk. 4. april må de merka av på kalenderen, på Quality Hotel Sogndal. Det blir eit godt høve til å bli nærmare kjent med så vel dame- som herrelaget.

Anna og Joakim er klare for avspark og ein spennande 2024-sesong.