Mia Sævig Eriksen klar for Sogndal FK Damer

Velkommen til Sogndal, Mia!

Mia Sævig Eriksen (f. 2005) kjem til oss frå Fotballklubben Voss. Ho skal no kombinere satsing på fotballen med studiar på HVL. Mia har vore med å hospitert med oss i lenger tid og var også med oss på treningsleir i vinter.

Me takkar Magne Himle og FK Voss for veldig godt samarbeid siste åra, eit samarbeid me vonar kan halde fram i åra som kjem.

Mia er midtstoppar, men har spelt mykje sentral midtbane tidlegare. Noko som gjer at ho har gode kvalitetar med ball og har blikk for spelet. Ho er ein hardtarbeidande og lojal spelar, som har glidd fint inn i treningsgruppa her hos oss seier sportsleg leiar Sebastian Kaldestad.

Velkommen til oss og Stao No Pao!